पपुवा न्युगिनिले त्रिदेशीय टी–२० अन्तर्राष्ट्रिय क्रिकेट शृङ्खलाकाे उपाधि हात पारेकाे छ । आज भएकाे खेलमा पीएनजीले नेपाललाई ८६ रनले हराएकाे हाे ।

हिजो भएका खेलमा नेपालले पीएनजीलाई र पीएनजीले घरेलु टोली हङकङलाई हराउँदै फाइनलमा पुगेको थियाे ।

पीएनजीले दिएकाे १ सय ७२ रनकाे लक्ष्य पछ्याएकाे नेपाल १६ ओभर ३ बलमा ८५ रनमा अल आउट भएकाे थियाे । नेपालका सन्दीप जाेराले सबैभन्दा धेरै १७ रन बनाएका थिए । पीएनजीका कबुआ माेरे, चाद साेपर र सेसे बाउले २/२ विकेट लिएका थिए ।

 पीएनजीका टोनी उराले ६१ र एली नाओले ३० रन बनाएका थिए । नेपालका आकाश चन्द र कुशल भुर्तेलले ३/३ विकेट लिएका थिए ।

—