भुटानको थिम्पुकाे चाङ्लिमिथाङ राष्ट्रिय रंगशालामा आज भएको काभा बिच भलिबल च्याम्पियनसिपकाे खेलमा नेपाली महिला टोलीले घरेलु टोली भुटानलाई २-० सेटमा हराएर दोस्रो जित हासिँल गरेकाे छ। 

कमला पुन र मनिषा चौधरीले भुटानी जोडी लेकेन र डेछेनलाई २१-५, २१-४ ले हराएकाे छ।

पहिलो खेलमा नेपालले उज्वेकिस्तानलाई २१-१७, २१-१५ ले हराएको थियो । नेपाली महिला टोलीले आजै समूहको अन्तिम चरणाकाे खेलमा माल्दिभ्ससँग खेल्दैछ ।

समूह चरणका सबै खेलहरु आजै सकिनेछ भने सेमिफाइनल र फाइनल खेलहरु शनिबार हुनेछन् ।

तीन दिन सञ्चालन हुने काभा बिच भलिबलमा पुरुषतर्फ १० र महिलातर्फ ७ टोलीको सहभागिता छ । नेपालबाट पुरुष र महिला दुवैमा एक-एक टोली सहभागी छन् ।

—