नेकपा एकीकृत समाजवादीका अध्यक्ष माधवकुमार नेपालले पतञ्जलीको जग्गा सट्टापट्टा प्रकरणमा आफू निर्दोष रहेको दाबी गर्नुभएको छ ।

 पार्टी केन्द्रीय कार्यालयमा हिजो भएको कार्यकर्ता भेलामा उहाँले पतञ्जलीको जग्गा सट्टापट्टा प्रकरणमा अख्तियार दुरूपयोग अनुसन्धान आयोगको निर्णयप्रति असन्तुष्टि जनाउँदै कानूनी उपचारका लागि छिट्टै प्रक्रिया शुरु गर्ने बताउनुभयो ।

मन्त्रिपरिषदलाई रहेको नीतिगत निर्णयको अधिकारअनुसार अधिकतम नागरिकको हितमा स्वास्थ्य सेवा सञ्चालनका लागि पतञ्जलीलाई जग्गा उपलब्ध गराइएको उहाँको दाबी छ ।

उहाँले न्यायका लागि कानूनी उपचारमा जान कानूनविदसँग परामर्श भइरहेको पनि बताउनुभयो ।

यस्तै नेकपा एकीकृत समाजवादीले पार्टी र नेतृत्वविरुद्ध हुने कुनै पनि षड्यन्त्रको प्रतिवाद गरिने बताएको छ ।

—