त्रिभुवन आर्मी क्लबलाई हराउँदै एपीएफ क्लबले एन्फा महिला च्याम्पियनशिपको उपाधि हात पारेकाे  छ ।

उदयपुरको थारुहट रङ्गशालामा आज भएको फाइनलमा एपीएफले आर्मीलाई २–१ गोलले हराएकाे छ । एपीएफका गीता राना र रेनुका नगरकोटेले १÷१ गोल गरेका थिए । 

 विजेता बनेको एपीएफले ७ लाख ५० हजार र उपविजेता आर्मीले ५ लाख रुपैयाँ पुरस्कार प्राप्त गरेको छ ।

आर्मीले पहिलो सेमिफाइनलमा नेपाल पुलिस क्लबलाई हराउँदै फाइनलमा पुगेको थियो । एपीएफले दोस्रो सेमिफाइनलमा सङ्कटा एफसीलाई हराउँदै उपाधि नजिकै पुगेको थियो ।

एन्फाले अयोजना गरेको नकआउट फुटबल प्रतियोगितामा १० वटा टोली सहभागी थिए ।

—